Archive for the ‘TELESAILAK’ Category

2017 URTEKO TELESAIL ONENAK

Posted: 30 abendua, 2017 in TELESAILAK

Urtea amaierara iritsi da eta aurtengoan ere maila goreneko hainbat telesailez gozatzeko aukera izan dugu. 2017an zehar argitaraturiko ekoizpen andana ikusteko nahikoa denbora izatea zaila den arren, gure pantailetatik igaro diren obra esanguratsuenak biltzen saiatu gara ondorengo sailkapenean.

10. LA ZONA (Jorge & Alberto Sánchez-Cabezudo)

10. La Zona

9. MR. ROBOT (Sam Esmail)

09. Mr Robot

8. PHILIP K. DICK’S ELECTRIC DREAMS (Ronald D. Moore & Michael Dinner)

Philip K. Dick's Electric Dreams Episode 106 "Human Is"

Bryan Cranston

7. BETTER CALL SAUL (Vince Gilligan & Peter Gould)

07. Better Call Saul

6. THE CROWN (Peter Morgan)

06. The Crown

5. BIG LITTLE LIES (David E. Kelley)

05. Big Little Lies

4. MINDHUNTER (Joe Penhall)

04. Mindhunter

3. THE HANDMAID’S TALE (Bruce Miller)

03. The Handmaid's Tale

2. THE DEUCE (David Simon & George Pelecanos)

02. The Deuce

1. TWIN PEAKS (David Lynch & Mark Frost)

01. Twin Peaks

Komiki istorioa abiapuntu hartuta apokalipsi zonbia egungo pop telesail bilakatu du THE WALKING DEADek eta pertsona askorengan iritzia emateko behar ekidiezina sorrarazi du. Zazpigarren emanaldiak urteetan zehar landuriko pertsonaien arteko harremanen sakontasun emozionala areagotu du, baina azken denboraldietan finduriko ildo dramatikoa alboratzea ere eragin du, telesailaren irregulartasunaren erakusle.

THE WALKING DEAD #7. DENBORALDIA

Urtea amaierara iristear da eta aurtengoan ere maila goreneko hainbat telesailez gozatzeko aukera izan dugu. Urtean zehar argitaraturiko ekoizpen andana ikusteko nahi bezainbeste denbora izan ez dugun arren, obra esanguratsuenak biltzen saiatu gara ondorengo sailkapenean.

10. PENNY DREADFUL (John Logan)

10-penny-dreadful

9. MR. ROBOT (Sam Esmail)

Mr. Robot - Season 2

8. BETTER CALL SAUL (Vince Gilligan & Peter Gould)

8-better-call-saul

7. GAME OF THRONES (David Benioff & D. B. Weiss)

7-game-of-thrones

6. THE PATH (Jessica Goldberg)

6-the-path

5. GOMORRA (Roberto Saviano)

5-gomorra

4. BLACK MIRROR (Charlie Brooker)

4-black-mirror

3. STRANGER THINGS (The Duffer Brothers)

3-stranger-things

2. WESTWORLD (Jonathan Nolan & Lisa Joy)

2-westworld

1. THE YOUNG POPE (Paolo Sorrentino)

1-the-young-pope

WESTWORLD #1. DENBORALDIA

Posted: 16 abendua, 2016 in Podcast, TELESAILAK

Udazkeneko nobedadeen artean ikusmin handia eragin zuen, baina erantzun bakoitzak, hamaika galdera berri sorrarazi dizkigu. Jonathan Nolanen berria parekorik ez duten torloju konplexuz osaturiko obra aparta da, ingeniari finen zehaztasuna eta arkitekto gorenen irudimena baliatzen dituen istorio gozagarria.

westworld-1-denboraldia

‘La Grande Bellezza’ eta ‘Youth’ film goratuen ostean, telebistara igaro da Paolo Sorrentino. Iragana alboratu eta oraina besarkatu du. Sortzaile italiarrak berak idatzi eta zuzenduriko hamar atal, Aita Santu gazte eta iraultzailearen bidez, Vatikanoaren, sinesmenaren eta identitatearen zirrikituetan murgiltzeko.

the-young-pope-1-denboraldia

Sei urte igaro dira ‘Murder House’ etxe sorginduaren istorioak mundu zabalean jarraitzaile andana erakarri zuenetik. Denboraldiak igaro ahala, ordea, telesailaren gainbehera nabarmena izan da istorio eta dinamikak errepikatu baititu.

Desafekzio horri aurre egiteko, erabateko aldaketa proposatu dute sortzaileek ‘Roanoke’ seigarren emanaldian.

american-horror-story-6-denboraldia

NETFLIXekin akordioa sinatzeak aukera infinituak ireki ditu Charlie Brooker sortzailearentzat: egun bakarrean sei atal ikusgai. Lotura dramatiko zuzenik ez duten istorio indibidualak jorratzen jarraitu du telesailak… uste baino gertuago egon daitekeen etorkizun distopikoa.

Sei atalak, banan-banan aztergai gurean.

black-mirror-3-denboraldia

Sorkuntza krisian hondoratu dela nabarmendu dute askok, telesaila kemen eta inspiraziorik gabeko lana dela… baina Woody Allenek inoiz egin duen politikoenetakoa ere bada, eta susmoa dugu, ez ote den horixe izan gaitzespena jaso izanaren arrazoi nagusia, gure bizimoduaren inguruko hausnarketak mahaigaineratu izana bera.

crisis-in-six-scenes-woody-allen

Sam Esmailek haize freskoa ekarri zuen telesailen unibertsora 2015eko udaran. Urtebete beranduago iritsi den bigarren denboraldia izan dugu aztergai gurean, bi erronka nagusi izan dituena, estreinakoaren maila mantentzea eta ikusleak asebetetzea.

mr-robot-2-denboraldia

Arnasik gabe utzi gintuen bosgarren denboraldi amaierak. Pertsonaia kuttun baten heriotza beti izan ohi da telesail zaleen artean esperientzia traumatikoa, are lazgarriagoa bilakatzen dena istorioaren heroi bakarrenetakoaz ari garenean. Jon Snow agurtu bezala topatu dugu seigarren emanaldiko lehen eszenan, odol husturik. Berpizkundearen inguruan luze aritu dira zale mordoa, teoria amaigabeak eraikiz, baina telesailak hipotesi horiei erantzuna eman ordez, liburuei aurre hartu dien lehenengo aldi honetan, Night’s Watcheko kideen dekadentzian sakontzea erabaki du. Alisser Thornek hilketa bidez buruzagitza indarrean berreskuratu ostean, urteetan zehar Night’s Watcheko kideen alde ohorez eginiko lanaren aldarriak ezingo luke etsigarriago sonatu, ikusleok ondo baitakigu harresiko biztanleek ate joka duten mehatxu hilgarria. Snow berpiztu ezean, iraganean iltzaturiko itxaropenik gabeko lur-eremu bilakatuko da Castle Black.

GameofThrones1Istorio zati gehienak bosgarren denboraldi amaieran utzi bezala berrartu ditu sortzaile taldeak, gertaera horien inpaktua anplifikatzeko asmoz. Winterfell izan da jomuga nagusietako bat, non Sansak aspaldi ikusi gabeko Theon indar berrituarekin ihes egin ostean, Stark familiaren alde bere bizia ematea zin egin zuen Brienne topatu duen. Eszena zirraragarria da, ikuslearen garuna telesailaren genesira itzularazi eta pertsonaiek urteetan zehar egin duten bideaz hausnartzeko balio duelako. Euren itxaropenak, ordea, Boltondarren frustrazioa suposatzen du, zeinak Stark alaba alboan izan gabe, iparraldea gobernatzeko legitimitatea erabat galtzen duten. Interesgarria da erreparatzea nola Roose Bolton aita progresiboki erregetza estrategian maisu zen Tywin Lannisterren rola hartzen ari den.

Hain zuzen ere, Tywinekin batera hil zen Lannister familiaren hegemonia. Cersei eta Jaimek azken aldian sekulako galera, umilazioa eta sufrimendua pairatu dituzte, euren arteko harremana betiko eraldatu dutenak. Jaime Myrcellaren gorpua mantaz estalirik bizkarrean duela Kingslandingera iritsi eta Cersei tragediaz ohartzen deneko eszena bikaina da, indar emozional handikoa eta mami dramatiko sakonekoa, hitzik gabe bata zein bestearen sentimenduak transmititzea lortzen duelako. Profeziaren aipamenak eta Lannister familiaren gainbehera hain presente izateak are gehiago aldentzen du bikotea telesailaren hasieran zuen gaizkile nortasunetik, azken finean, bata zein bestea aitaren oinordekotza proiektuaren biktima izan dira hein batean. Familiaren boterea, eta oro har erregetzarena ere, inoiz baino hauskorragoa den lurzoruan oinarritu arren, jakina da lehia basatia gauzatuko dutela High Sparrowk buruturiko sinesleen eta odol gosez itzuli diren Dorneko emakumeen aurka.

Meereenen aldiz, Tyrion eta Varysek boterea kudeatu eta gobernatzearen inguruko solasaldiei segida eman diete, denboraldiko bikote dinamiko eta politikoenaren oinarri narratiboa finkatuz. Elkarren arteko elkarrizketetan gainera, etengabe zelatatuak izatearen sentsazioa transmititzea lortu dute konposaketa zainduko plano inspiratuen bitartez. Bien bitartean, Daenerysek dragoirik gabe boterea erabat galdu du Dothrakien artean. Khal Drogoren emazte izanaren ondorioz errespetuzko estatusa berreskuratu arren, etorkizun beltza du aurretik, patriarkatuak zuzenduriko ereduaren gatibu alargundu beharko duela dirudielako, hainbeste denboraz desiraturiko tronutik inoiz baino urrunago. Hiri handiak ikuspuntu elitisten bitartez gobernatzetik oinarrira itzuli beharko du, hurbileko jendearekin harremanak sendotzera. Orain arteko bidaian Daenerysek ikasitakoa zein modutan aplikatzen duen ikustea zinez interesgarria izango da.

GameofThrones2Aryaren arku dramatikoa izan da atalean zehar gutxien jorraturikoa. Hasiera batean itsu izatera ohitu eta oraindik ere misterioz beteriko House of Black and Whitera itzulera lantzen denboraldi osoa igaro dezakeela dirudien arren, espero dugu sortzaileek istorio lerro hau ez isolatzea. Gainontzeko pertsonaiekin gurutzatzeaz gain, identitate pertsonala biluztu eta edonoren gorpuzkera hartzeak zabaltzen dituen aukera dramatiko infinituetan sakontzea aberasgarria izango litzateke. Ezin ahaztu Melissandrek hirugarren denboraldian Arya berari esandako “I see a darkness in you, and in that darkness, eyes staring back at me. Brown eyes, blue eyes, green eyes… eyes that you’ll shut forever. We will meet again” Are gehiago atalaren amaierako espero gabeko ezagutaraztearen ostean. Koilareari esker mantentzen ote du gaztetasun eternala? mahai gaineko edabeak ote? biak batera? Galderak erantzutetik haratago, nabarmentzea merezi du bost denboralditan zehar modu batean hautemandako pertsonaiaren inguruan ikuskera erabat iraultzeko gidoigileek eginiko lan bikaina. Melisandreren sekretu honek gainera, joan den denboraldian White Walkers, Many-Faced God edota High Sparrow bezalako pertsonaien bitartez indarturiko alor fantastikoan sakontzeko balio du; beti ere elementu fantastikoen bitartez gizakia hainbeste kezkatzen duten heriotza eta hilezkortasuna bezalako gai nagusietara zuzenean jotzen dutelako.

Abiapuntua besterik ez den arren, estimatzekoa da “The Red Woman” atalean pertsonaia ezberdinak non eta zein egoeratan dauden mahaigaineratzeaz gain, dilema berriak plazaratu eta egoera bakoitzean sakontzeko tartea egin izana. Oraindik ikusteke dago Brann, Littlefinger, Greyjoy familiak… denboraldi berrian izango duten zeresana, baina argi dagoena da telesailak, liburuei aurrea hartu arren, ez duela dinamika dramatikoak agortzeko arriskurik. Bost denboraldiren ostean, Game of Thronesek pertsonaiak aberastu, ikuslea ezusteko berriekin kolpatu eta perspektibak iraultzeko gaitasuna mantentzen jarraitzen du. Astez aste dastatuko dugu, urteroko legez.

Hurrengo atalaren aurrerapena: